ഖബർ കെട്ടിപ്പൊക്കൽ, ഫൈസൽ മൗലവിയുടെ ഏകാഭിനയം കണ്ട് രോമാഞ്ചം കൊള്ളേണ്ട.

*ഫൈസൽ മൗലവിയുടെ തരികിട  തിരിച്ചറിയാം.* 
==============

പ്രീ പ്ലാന്ഡ്  മുഖാമുഖങ്ങളും,  ഉത്തരം മുട്ടുമ്പോൾ പരിഹാസം കൊണ്ട് നാണം മറച്ചു രക്ഷപ്പെടുന്നതും സ്ഥിരംഏർപ്പാടാക്കിയ ഈ  മൗലവിടെ ചില ഏകാഭിനയങ്ങളുടെ വിഡിയോകൾ കാണാനിടയായി.  യൂട്യൂബും ക്ലിപ്പുകളും പ്രമാണങ്ങളാക്കി അവയെ തഖ്ലീദ് ചെയ്യുന്ന വിഭാഗത്തിൽ പെട്ടവർ തന്നെയാണ് ഈ ക്ലിപ്പുകൾ എനിക്കെത്തിച്ച എന്റെ സുഹൃത്തുക്കൾ. ഇബ്നു ഹജർ അസ്‌കലാനി തങ്ങൾടെ ഒരഭിപ്രായത്തെ കുറിച്ച് ചോദിച്ചപ്പോൾ ഞങ്ങളാരെയും തഖ്ലീദ് ചെയ്യൂല എന്നായിരുന്നു മറുപടി.  എന്തായാലും ഇപ്പൊ തഖ്ലീദ് ചെയ്ത മൊതല് കൊള്ളാം,, ഫൈസൽ മൗലവി . 😆

വിഷയത്തിലേക്ക് വരാം. 
ഖബർ കെട്ടിപ്പൊക്കുക എന്ന വിഷയത്തിലാണ് ചർച്ച ചെയ്യുന്നത്.  ☝🏻
ഏത് വിഷയം ചർച്ച ചെയ്യ്താലും ഖബർ ആരാധനയിലേക്ക് ഇവർ എത്തിച്ചേരുന്നത് പതിവാണ് എന്ന കാര്യം കുറച്ചെങ്കിലും സംവാദങ്ങളിൽ ഇടപെട്ടവർക്കറിയാം.  ഇതും അതുപോലെ തന്നെയായിരുന്നു.  കൊണ്ട് വന്ന തെളിവ്  എന്ന് സുഹൃത്തുക്കൾ വാദിക്കുന്നതൊക്കെ.  ഖബറിനെ ആരാധിക്കരുത്,  സുജൂദ് ചെയ്യരുത്...  ഈ വിധത്തിലുള്ളതായിരുന്നു. 
ഇതും കൊണ്ടുവന്നവരെ ഞാൻ കുറ്റപ്പെടുത്തുന്നില്ല, കാരണം അവരുടെ കയ്യിൽ ഇതിനുള്ള തെളിവുകളെ ഉള്ളൂ.  
ഖബർ ആരാധനയെ എതിർക്കാനുള്ള തെളിവുകൾ മാത്രമേ പ്രാമാണികമായി ലഭ്യമാകൂ എന്ന തിരിച്ചറിവായിരിക്കാം ഇക്കൂട്ടരെ ഈ നിലവാരത്തകർച്ചയിലേ ക്ക് എത്തിച്ചത്. മഹാന്മാരുടെ മഖ്ബറകൾ സിയാറത് ചെയ്യുന്നതും,  ഇസ്തിഗാസയും,  തവസ്സുലുമൊക്കെ  എങ്ങനെയെങ്കിലും ഖബറാരാധനയാക്കി മാറ്റി തെറ്റിദ്ധരിപ്പിക്കാൻ ഇവർ നടത്തുന്ന ശ്രമങ്ങൾക്ക് കാലങ്ങൾ പഴക്കമുണ്ട്. അങ്ങനെ ഖബറാരാധനയാക്കിയാലേ ഈ തെളിവുകൾ സുന്നികളുടെ മേലെ ചാർത്താൻ പറ്റൂ. നോർത്തിന്ത്യയിലും  കേരളത്തിനു പുറത്തുള്ള മറ്റെവിടെയൊക്കെയോ  അമുസ്ലീംങ്ങളും, ഇസ്ലാമിക ബാലപാഠങ്ങൾ പോലുമറിയാത്ത മുസ്ലിം നാമധാരികളും  ചെയ്യുന്ന ചെയ്തികളുടെ ഉത്തരവാദിത്തം സുന്നികളുടെ തലയിൽ കെട്ടിവെച്ചുകൊണ്ട് ചില ക്ലിപ്പുകളിട്ടു കൊണ്ട്  ഖബറാരാധനക്കെതിരായ ഹദീസും ഓതി ക്യാമറക്കു മുന്നിൽ ഈ വിദ്വാൻ നടത്തിയ ഏകാഭിനയം കണ്ടു കൊണ്ട് രോമാഞ്ചം കൊണ്ട് ദീൻ പഠിപ്പിക്കാൻ ക്ലിപ്പുകളുമായി ഊര് തെണ്ടുന്ന  പ്രിയപ്പെട്ട സുഹൃത്തുക്കളെ നിങ്ങൾ  ആദ്യം നിർത്തേണ്ടത് ഈ തരംതാഴ്ന്ന ജാഹിലുകളെ തഖ്ലീദ് ചെയ്യുന്ന പരിപാടിയാണ്. ഈ ക്ലിപ്പുകളെ കുറിച്ച് ഒന്ന് ഇജ്തിഹാദ് ചെയ്യാമായിരുന്നില്ലേ നിങ്ങൾക്ക് (ഓരോ മുജാഹിദും ഓരോ മുജ്തഹിദാണല്ലോ ).  എന്നാലെങ്കിലും കാര്യത്തിന്റെ സത്യാവസ്ഥ അറിയാമായിരുന്നു. 

ഏർവാടി,  അജ്‌മീർ ദർഗ്ഗകളിലൊക്കെ പോയവർക്കറിയാം അവിടുത്തെ സന്ദർശകരിൽ നല്ലൊരു ഭാഗം അമുസ്ലിംങ്ങളാണ്.  അവര് അവിടെ അവരുടേതായ ചില രീതികളിൽ പ്രാര്ഥിക്കുന്നുമുണ്ട്, ഇത്തരം വീഡിയോകൾ ചെത്തിക്കൂർപ്പിച്ചു വിൽപനക്കു വെക്കുന്നതിനു മുൻപ്   ഇതൊക്കെ ശരിയാണെന്ന് ഒരു sunni പണ്ഡിതനും പറഞ്ഞിട്ടുണ്ടോ എന്നെങ്കിലും ഒന്ന് പരിശോധിക്കാമായിരുന്നു.

മറ്റൊരു കാര്യം ഒരു മഖ്ബറയിൽ നടക്കുന്ന ഒരു മനുഷ്യന്റെ വീഡിയോ കാണിച്ചു കൊണ്ട് ടിയാൻ പറയുകയാണ് അത് ഖബറിനെ ത്വവാഫ്  ചെയ്യുകയാണത്രെ.  മാത്രമല്ല ഇത്തരത്തിൽ ത്വവാഫും സഅയുമൊക്കെ ഇവിടെങ്ങളിൽ സാധാരണ നടക്കാറുമുണ്ടെന്ന്. 
ഇതിന്  അയാൾ AP അബൂബക്കർ മുസ്ലിയാരുടെ വാക്കുകൾ കൂട്ടിച്ചേർത്ത് ഒരു വൻകളവും  പ്രചരിപ്പിക്കുന്നുണ്ട്.  ഖബറിനെ ത്വവാഫ് ചെയ്യാമോ എന്ന ചോദ്യത്തിന് പാടില്ലെന്ന് തന്നെയാണ് ഉത്തരം നൽകിയത്,  എന്നാൽ ത്വവാഫ്  എന്ന് നിയ്യത്തില്ലാതെ ഒരാൾ ദിക്റുകൾ  ചൊല്ലിയോ യാസീൻ ഓതിക്കൊണ്ടോ ഖബറിന് ചുറ്റും നടന്നാൽ അത് ത്വവാഫ് ആവുകയില്ല  എന്നും കൂടെ അതിൽ മറുപടികൊടുക്കുന്നുണ്ട്.  ഈ വാക്കിൽ  കയറി അത് ത്വവാഫ് ചെയ്യാമെന്ന് തന്നെയാണ് AP പറഞ്ഞതെന്ന് ദുർവ്യാഖ്യാനിക്കാൻ ഒന്ന് ഉരുണ്ടു കളിച്ചു നോക്കി  പുള്ളിക്കാരൻ. "അല്ലെങ്കിലും നിങ്ങൾക്ക് നിയ്യത്തോടെയാണെങ്കിലല്ലേ എല്ലാം ശരിയാകൂ.. " എന്ന തോതിലുള്ള ഒരു പരിഹാസ ധ്വനിയോടെ ആ ഭാഗം അയാൾ വിഴുങ്ങുകയാണ്.  എന്നാൽ നിയ്യത്തില്ലെങ്കിലും ശരിയാകും എന്ന് പറയാനോ സമര്ഥിക്കാനോ ഇയാൾ നില്കുന്നില്ല,  കാരണം ചെറുതെങ്കിലും ചെറിയ ഒരു തെറ്റിദ്ധാരണ തെറ്റിദ്ധാരണ പരത്തുക എന്നതാണല്ലോ ഉദ്ദേശം.

മൗലവിക്ക് ത്വവാഫിന്റെ ശർത്തും ഫർളും അറിയില്ലെന്ന കാര്യം പൊട്ടെ,  ത്വവാഫ് എന്നാൽ അത് കഅബയെ ആരാധിക്കലാണ് എന്നാണോ മൗലവി ധരിച്ചുവെച്ചിരിക്കുന്നത് 😆,  അങ്ങനെ ഏതെങ്കിലും ഒരു വസ്തുവിന് ചുറ്റും നടന്നാൽ അത് ആ വസ്തുവിനെ ആരാധിക്കലാകുമോ ?,  ശിർക്കാകുമോ ?

അല്ല മൗലവീ  എന്താണ് ആരാധന,  എന്താണ് ശിർക്ക് ? പുതിയ വല്ലതും updation ഉം വന്നോ അറിയാനായി ചോദിച്ചതാ.   എന്നാൽ ഇന്നു  തുടങ്ങിക്കോളൂ പുതിയ ശിർക്കുകൾ.. മരംചുറ്റിക്കളി,  കസേരകളി തുടങ്ങിയ കുട്ടിക്കളി മുതൽ ശിർക്ക്‌ ഇങ്ങുപോരട്ടെ,  റൗണ്ടബൗട് വഴികളിൽ വാഹനം ഓടിക്കുന്ന ഷിർക്കൊക്കെ എങ്ങെനെ ഇല്ലാതാക്കും ?റോഡുകളിലൊക്കെ  തൗഹീദിന്റെ നിയമം കൊണ്ട് വരണ്ടേ ഞമ്മക്ക്. 
🤦‍♂🤦‍♂🤦‍♂🤦‍♂


ഫത്ഹുല്മുഈന് വായിച്ചു കൊണ്ട് കോടതിയിൽ നിന്ന് കേസ്ജയിച്ചു  ഒരുമഹല്ലു മുഴുവൻ മുജാഹിദായി എന്ന് വെച്ചുകാച്ചുന്ന ഒരു വീഡിയോയും ഉണ്ടല്ലോ,  ഈ പാതിരിക്കറിയാം എന്ത് പറഞ്ഞാലും അതൊരു എല്ലിന്കഷണമാക്കിയെടുത്തുകൊണ്ട് ഓടാൻ കുറേ കുഞ്ഞാടുകൾ തങ്ങൾക്കുണ്ടെന്ന്., വിവരമില്ലെന്ന വിവരം പോലുമില്ലാത്ത പാവങ്ങൾ,  അവറ്റകൾ ഇതെല്ലാം പൂര്ണശരിയാണ് എന്ന ധാരണയിൽ എവിടെങ്കിലും പോസ്റ്റി കുടുങ്ങി പണ്ടാരമടയും.  ഒരു മഹല്ല് പള്ളിയുടെ ഭരണം കയ്യടക്കി എന്ന് വെച്ചാൽ ആ മഹല്ല് മുഴുവൻ മുജാഹിദായി എന്നാണോ മൗലവി ?

9ആമത്തെ തൗഹീദും റിലീസാകാൻ പോകുന്നു മൗലവീ,  അതിനെ പ്രതിരോധിക്കാൻ ഇനി നിങ്ങടെ തൗഹീദ് പുതുക്കിപ്പണിയേണ്ടി  വരുമോ എന്നുള്ള സ്വന്തം കാര്യം നോക്കിക്കോ  മൗലവീ,  അതിനായി കുഞ്ഞാട് പടയെ സജ്ജമാക്കിക്കോളൂ. 
ദീനിന്റെ കാര്യം നോക്കാൻ ഇവിടെ അഹ്ലുസ്സുന്നയുടെ പണ്ഡിതന്മാരുണ്ട്.
☝🏻☝🏻☝🏻